oleh: Niswatul Chaira
Nanggroe meulimbot dalam ie raya
Langet supot hana cahaya
Rumoh teudong meugah lageina
tinggai kisah teubayang lam dada
Ie raya troh hana jipeugah
Disampoh mandum ube yang kana,
aneuk miet hana meusuroh
meunan keuh dimoe ateuh pangku ma
Meunasah seupot yang na tok do’a
bak Allah kamoe peuhaba harap
dalam ie raya iman hana ngop
Teutap geusaba rakyat Aceh nyoe
Watee suroet ie nibak si uroe
Tinggai luka di ateuh nanggroe
tapeugah janji bak diri droe
Bek putoh asa didalam hatee
Man na keuh hatee yang ka luka nyoe
Talakei ubat nibak Kuasa
Adak pih hana geugantoe jinoe
Uroe dudoe keuh janji yang nyata